Грецияда фан-клублар ёпилди

By Пўлатов Мухаммадхон 17 Aug, 2023 5 дақиқа ўқиш 446 Кўрилди

0 comments 0 likes

Греция бош вазири Кириакос Мицотакис мамлакатдаги деярли барча футбол ишқибозлари клублари ёпилишини маълум қилди ва ҳар бир клуб учун фақат биттадан мухлислар уюшмаси қолди, деб хабар бермоқда «ТАСС».

Мицотакиснинг баёноти Грециянинг ЕРТ-1 телеканали томонидан эфирга узатилди. Чоршанба куни Мицотакис ўзининг Мегаро Махимоу қароргоҳида Европа футбол ассоциациялари иттифоқи (УЕФА) президенти Александр Чеферин билан учрашди, аввалроқ у ерда бир қатор ҳукумат вазирлари, «Олимпиакос», «Панатинаикос», АЕК ва ПАОК клуби эгалари ўртасида футболдаги вазият бўйича йиғилиш бўлиб ўтганди. «Миллий миқёсда қонун ҳужжатларида назарда тутилганидек, ташкил этилган фан-клублари ёпилади. Ҳар бир жамоада фақат битта мухлислар уюшмаси бўлади», - деди бош вазир. 8 август куни Афинада Чемпионлар лигаси 3-саралаш босқичи ўйини бошланишидан олдин маҳаллий АЕК клуби ва Загребнинг «Динамо» клуби мухлислари ўртасида муштлашув келиб чиқди. Тўқнашув натижасида Греция клубининг 29 ёшли мухлиси ҳалок бўлди ва муштлашувда яна 10 нафар иштирокчиси жароҳат олганди.