Златан Ибрагимович миллий жамоадаги хайрлашув ўйинини 8 июнь куни Сербияга қарши ўтказади.
Швеция миллий жамоаси ўтган мавсум охирида тиззасидаги сурункали жароҳат туфайли фаолиятини якунлаган ҳужумчи шарафига хайрлашув ўйини ўтказилишини маълум қилди. Баҳс 8 июнь куни «Friends Arena»да бўлиб ўтади. 42 ёшли собиқ футболчи фаолияти давомида Швеция сафида 122та ўйин ўтказиб, 62та гол урган. У жамоа тарихидаги энг яхши тўпурар ҳисобланади. Бундан ташқари Ибрагимович 12 марта Швецияда йилнинг энг яхши футболчиси деб топилган ва 2013 йилда энг чиройли голи учун Пушкаш мукофотини олган. Форвард фаолияти давомида «Мальмё», «Аякс», «Ювентус», «Интер», «Барселона», «Милан», «ПСЖ», «Манчестер Юнайтед» ва «Лос-Анжелес Гэлакси» клубларида ўйнаган. Златан ҳозирда «Милан» хўжайини Жерри Кардиналнинг маслаҳатчиси саналади.
