Канадалик мухлис жаҳон рекордини янгиламоқчи

«Мени кузатиб боришингизни сўрайман ва саёҳатим давомида баъзиларингиз билан учрашишни интиқлик билан кутаман. Бу ажойиб ой бўлади. Жаҳон чемпионати бошланди. Буни ҳис қиляпсизми? Мен ҳис қиляпман. Мен тайёрман», - деди Кормиш ижтимоий тармоқдаги видеохабарида. Гиннеснинг рекордлар китобига кўра, жаҳон чемпионати ўйинларига кириш бўйича рекорд Тулани Нгкобога тегишли. У 2010 йилда Жанубий Африкада ўтган турнирнинг 31та ўйинига киришга муваффақ бўлган. Кормиш Қатардаги жаҳон чемпионатида 41та ўйинга кирмоқчи ва бу рекордни ўзининг YouTube канали ва ижтимоий тармоқларда муҳрламоқчи. Муваффақиятга эришиш учун Кормиш жаҳон чемпионатининг 8та стадионига бориши ва ўйинни томоша қилганини тасдиқлайдиган иккита гувоҳга эга бўлиши керак. Қатардаги жаҳон чемпионати ихчамлиги туфайли мухлисларга кўплаб ўйинларни томоша қилиш имконини беради. Мамлакат стадионлари орасидаги энг узун масофа атиги 75 километрни ташкил қилади.