Киммих Лондонга кўчиб ўтади

By Пўлатов Мухаммадхон 09 Apr, 2024 3 дақиқа ўқиш 183 Кўрилди

0 comments 0 likes

Германия терма жамоаси ва Мюнхеннинг «Бавария» клуби ярим ҳимоячиси Жошуа Киммих фаолиятини Англия чемпионатида давом эттиришга яқин турибди.

Маълум бўлишича, футболчи Лондоннинг «Арсенал» клуби билан муваффақиятли музокаралар олиб борган. Томонлар 3 йиллик шартнома борасида келишиб олдилар. «Бавария» ўзининг етакчи футболчиларидан бири учун 70 миллион евро таклиф қилса, уни тарк этиши мумкин. Жошуанинг немис гиганти билан меҳнат шартномаси 2025 йилнинг июн ойи охиригача амал қилади. Бундеслиганинг жорий мавсумида Киммих 22та ўйинда майдонга тушиб, 1та гол урди ва 5та голли узатмани амалга оширди.