Кутилганидек, Аббосбек Файзуллаев Россия клубига трансфер қилинади?!

Championat.asia сайти хабарига кўра, ЦСКА «Пахтакор» футболчисини трансфер қилишга яқин турибди.  19 ёшли Файзуллаев Москва клуби билан 3+1 шаклида шартнома имзолайди. Қайд этилишича, ЦСКА Аббосбек Файзуллаев трансфери учун Тошкент клуби ҳисоб рақамига 500 минг евро ўтказиб бериши белгиланган. Футболчининг «шерлар» билан келишуви 2025 йилга қадар имзоланган эди.   
Охирги маълумотлар бўйича айтсак, яқинда Ўзбекистон миллий жамоаси йиғинига чақирилган «Пахтакор» ярим ҳимоячиси Аббос Файзуллаев нинг трансфер баҳосига 450 000 евро қўшилди ва бу Суперлига вакиллари учун энг катта юксалишдир   
Маълумот учун,  Россиянинг ProSports Management     компанияси (Осиё минтақасидаги бўлинмаси раҳбари Қаҳҳор Мўминов)нинг мижози ҳисобланган  Аббосбек Файзуллаев март ойида ёшлар ўртасидаги Осиё кубоги U20 турнири ғолиби ва     қаҳрамонларидан бирига айланганди. У Аргентинада ўтган ёшлар ўртасидаги  ЖЧда 4 ўйинда майдонга тушиб, битта гол ва ассист муаллифига айланганди. Шунингдек, у жорий мавсум Суперлигада 6 ўйинда майдонга тушиб, 2та голга муаллифлик қилган.  
Аввалроқ, Ўзбекистон миллий (ёшлар ва олимпия) терма жамоасининг яна бир аъзоси Абдуқодир Ҳусанов «Энергетик-БГУ» клубидан Франциянинг «Ланс» клубига кўчиб ўтган эди.