Левандовски кетмоқчи, аммо...

«Мен бир қанча муддат «Бавария»дан янги шартнома бўйича таклиф келиб тушишини кутдим. Аммо бу таклиф ўша вақтда билдирилмади. Сўнгра, мен клубдан кетишга қарор қилдим. Энди ўзим ва клуб учун маъқул бўладиган қарорни қабул қилишимиз керак», - деди польшалик ҳужумчи.  Аввалроқ, мюнхенликлар спорт директори Ҳасан Салиҳамижич клуб Робертга янги шартнома таклиф қилгани, аммо футболчи келишувни узайтиришдан бош тортгани ҳақида гапирганди. Эслатиб ўтамиз, Левандовскининг «Бавария» билан амалдаги шартномаси 2023 йилгача мўлжалланган.

«Бавария» президенти Ҳерберт Ҳайнер эса Левандовски шартномасининг охиригача Мюнхенда қолишини маълум қилди: «Робертнинг шартномаси 2023 йилгача амал қилади. Демак, келгуси йилнинг ёзигача у биз учун ўйнашига тўғри келади. Оливер ва Ҳасан унга янги шартнома борасида таклиф беришди, аммо у буни рад этди. Бундай футболчилар бошқа топ-клублардан мунтазам таклиф қабул қилишади. Бу борада ҳайрон бўладиган нарса йўқ. 2019 йилда ҳам Роберт «Реал»га кетиши мумкин эди. Шундай экан, бу каби ҳолатлар бизга янгилик эмас. Дунё даражасидаги футболчи учун ўринбосар топиш қийин. Унинг шартномаси бор ва ўйлайманки, Роберт уни охирига етказиб қўяди. Шартномани узайтирмаслик - унинг ҳуқуқи. Албатта, у текинга клубни тарк этиши мумкин. «Бавария»га ҳам текинга келганди», - деди Ҳайнер.