Леванинг «Барса»га трансферида муаммо бор...

Mundo Deportivo нашрининг хабар беришича, бунга Ла Лига президенти Хавьер Тебаснинг сўзлари сабаб бўлган. У яқинда: «Барселона» Левандовскини трансфер қила олмайди. Улар баъзи футболчиларини сотиши керак», - деб айтганди. 

Шундан сўнг, польшалик футболчи агенти Пини Захавига каталонияликлар билан боғланишни буюрган. Захави Лапортага қўнғироқ қилиб, Тебаснинг сўзлари юзасидан тушунтириш сўраган. «Кўк-анорранглилар» президенти уни тинчлантириб, барчаси рисоладагидек бўлишини маълум қилган. Аввалроқ, «Барселона» эркин агент сифатида жамоага қўшиб олаётган футболчилари Франк Кессье ва Андреас Кристенсенни Ла Лигада рўйхатдан ўтказа олмаётгани ҳақидаги хабарлар чиққанди.