Лионел Месси 2026 йилда "Барселона"га қайтиши мумкин

Gol Digital маълумотларига кўра, Месси 2026 йилнинг бошида яна "кўк анорранглилар" сафига қайтиши мумкин. Жамоа Месси билан эркин агент сифатида қисқа муддатли шартнома имзолаши кўзда тутилган бўлиб ғоя шундан иборатки, футболчи бўлажак жаҳон чемпионатига юқори спорт формасида етиб бориши керак.

Маълумот учун, 2024 йилда Месси клуб миқёсида барча мусобақаларда 24 та ўйинда қатнашиб, 22 та гол ва 13 та голли узатмани амалга оширган. Футболчининг “Интер Маями” билан амалдаги меҳнат шартномаси 2025 йил охиригача амал қилади. Трансфермаркт порталида берилган маълумотларга кўра, футболчининг бозор қиймати 25 миллион еврони ташкил қилади.