"Ливерпуль" Бареллани сотиб олиши мумкин

Манбага кўра, мерсисайдликлар ёзда италиялик ярим ҳимоячини сотиб олиш учун асосий давогарлардан бири ҳисобланади.

Қайд этилишича, Барелла фаолиятида янги марраларни забт этиш учун “Интер”ни тарк этмоқчи. Агар клубга потенциал харидордан фойдали молиявий таклиф тушса, «нерадзурри» раҳбарлари ярим ҳимоячининг кетишига тўсқинлик қилмайди.

"Ливерпул" Италия чемпионати 32-туридан ўрин олган "Лацио"га қарши ўйинда Барелланинг ҳаракатларини кузатиш учун катта скаутини юборди.

Жорий мавсумда футболчи “Интер” сафида барча мусобақаларда 46 та ўйин ўтказиб, 8 та гол ва 9 та голли узатмани амалга оширган.

Футболчининг милан клуби билан шартномаси 2026 йилнинг июнь ойи охиригача амал қилади. Transfermarkt интернет порталига кўра, Барелланинг тахминий нархи 70 миллион еврони ташкил қилади.