«Ливерпуль» Алонсо билан алоқага чиқди

Footmercato сайти хабарига кўра, томонлар дастлабки музокараларни ўтказишган. 42 ёшли испаниялик собиқ жамоаси учун Леверкузенни тарк этишга тайёрми ёки йўқлиги ҳақида аниқ фикр билдирмаган. Эслатиб ўтамиз, Алонсо мавсум якунида «Ливерпул»ни тарк этишини эълон қилган Юрген Клоппнинг ўрнига асосий номзод сифатида кўрилмоқда. Ҳозирда Алонсо «Байер» билан тарих яратишда давом этмоқда. Унинг жамоаси жорий мавсум мағлуб бўлмади. «Байер» Бундеслигада 20-тур якунига кўра 52 очко билан етакчилик қилмоқда. Унинг немис клуби билан шартномаси 2026 йилга қадар мўлжалланган.