«Ливерпуль» жиддийлашмоқда, лекин...

By Пўлатов Мухаммадхон 02 Jan, 2024 6 дақиқа ўқиш 185 Кўрилди

0 comments 0 likes

Футбол ишқибозларини Килиан Мбаппе кейинги мавсумни қайси клубда бошлаши қизиқтирмоқда. Кўп нарса январь ойи давомида ойдинлашади.

Ҳозирча, 25 ёшли форвард учун асосан «ПСЖ» ва «Реал» даъвогар ҳисобланади. Бироқ «Ливерпуль» супертўпурар учун курашга жиддий тарзда киришди. Маълумотларга қараганда, Юрген Клопп анчадан бери Мбаппенинг ўйинларини кузатиб келади. Германиялик мутахассис бу ўйинчи яқин келажакда ливерпулликлар етакчиси Муҳаммад Салоҳнинг ўрнини босишига ишонмоқда. Мисрлик форвард катта эҳтимол билан Саудия Арабистонига йўл олиши мумкин. Унинг трансферидан келадиган маблағ Килиан Мбаппени олиш учун яхши дастак бўлади. Айрим мутахассислар Килиан Мбаппенинг ўзи Юрген Клоппни ҳурмат қилиши ва немис мураббийи қўллаётган ўйин услуби ҳужумчига маъқул экани ҳақида фикр билдирмоқда. Аммо, Килиан ўзи учун Мадриддан уй топиб қўйгани хабар қилинмоқда. Аввалроқ, 25 ёшли франциялик футболчининг испан клуби президенти Флорентино Перес билан бевосита алоқалари борлиги ҳақида хабарлар тарқалган эди. Эслатиб ўтамиз, Мадрид жамоаси 1 январь куни Мбаппега расмий таклиф юборган ва улар франциялик ҳужумчининг жавобини 15 январга қадар кутиши хабар қилинганди.