Марсело Гальярдо: «Навбаҳор» ҳимояда тартибли ўйнади ва...

Марсело Галлардо: - Майдон ҳолати ёмон эканлигига қарамай, тўп назоратига эришдик. Майдонда устунлигимизни кўрсатган ҳолда, ҳимояда ҳам яхши ҳаракат қилдик. Бир сўз билан айтганда майдон ҳолатидан келиб чиқсак, натижадан қониқдим. «Навбаҳор» ҳимояда жуда тартибли ҳаракат қиларкан ва ҳужумга ҳам тез чиқаркан, шу сабаб гол уролмадик. Аммо жавоб ўйини бошқача бўлади. Биринчидан, майдонимиз яхши. Иккинчидан, бугунги камчиликларни тўғрилаймиз. Ромаринонинг алмаштирилиши? Унда бироз толиқиш сезилди. Жиддий жароҳат йўқ. 1-2 кунда тайёр бўлади. Асосан ўйин охирида ҳужумни кучайтирганимиз рақибнинг тактикаси билан боғлиқ. Ҳимояни ёриб ўтишга қийналдик. Наманганга 19 футболчи билан келгандик. Кейинги ўйингача жароҳатланганлар сафга қайтади, деб умид қиламан . 
Нголо Канте: -  Ўйиндан қониқдик, десам ҳам бўлади. Баҳс бошидан охиригача курашдик. Жавоб ўйинида ўзимизга керакли натижани қўлга киритамизга ишонаман.  
ЕЧЛ ва ОЧЛ фарқи? Ҳар икки турнирда ҳам кураш бор. Шахсан мен учун ОЧЛ янги чақирув бўлди ва бу мусобақада ўзимни кўрсатишга ҳаракат қиламан ...