Месси ҳам Бензема тарафдори

By Пўлатов Мухаммадхон 15 Aug, 2022 3 дақиқа ўқиш 642 Кўрилди

0 comments 0 likes

France Football нашри томонидан мавсумнинг энг яхши футболчисига топшириладиган «Олтин тўп»га 2005 йилдан буён илк марта номзодлар қаторига кирмаган, совриннинг амалдаги соҳиби, «ПСЖ» ҳужумчиси Лионель Месси навбатдаги мукофотга лойиқ футболчи номини айтди.

Етти карра «Олтин тўп» соҳибининг айтишича, жорий мавсум ушбу совринга «Реал Мадрид» ҳужумчиси Карим Бензема лойиқ: «Менимча, жорий мавсум Бенземанинг «Олтин тўп»ни қўлга киритишига шубҳам йўқ. У ажойиб мавсумни ўтказди ҳамда жамоада асосий вазифани бажарди». Эслатиб ўтамиз, Бензема ўтган мавсум Чемпионлар лигасини қўлга киритишдан ташқари Ла Лига чемпиони ва турнирнинг энг яхши футболчиси деб топилди. Француз барча мусобақаларда 46 ўйинда майдонга тушиб, 44та гол урди ва 15та голли узатмани амалга оширди.