Митома «Сити» нишонида

Sportsmole нашрининг ёзишича, «шаҳарликлар» нишонига «Брайтон» ҳужумкор футболчиси Каору Митома тушган. Манбага кўра, манчестерликлар япониялик футболчини қишки трансферлар вақтида ўз таркибига қўшиб олишга ҳаракат қилади. Каору Митома «Брайтон»да ўйнаётганига бир йилдан ошди. Шу пайтга қадар у 51та расмий учрашувда ўз ҳисобига 13та гол ва 12та ассист қайд этди. Transfermarkt портали экспертлари 26 ёшли футболчини 32 миллион еврога баҳоламоқда.