Модрич хавотирда

Goal хабарига кўра, хорватиялик хавбек амалдаги шартномаси ёзда якунига етса-да, клуб унга келишувни узайтириш бўйича таклиф билан чиқмаётганидан хавотирланмоқда. Қайд этилишича, Модрич «Реал»да камида яна бир йил қолишни истамоқда, аммо клуб раҳбарияти бу масалада футболчининг вакиллари билан алоқага чиқмаётганидан ноқулай вазиятда қолмоқда. Бундай ҳолат 37 ёшли ўйинчининг фаолиятида илк марта кузатилмоқда. Нашр манбаларига кўра, Мадрид клуби Модрич масаласида ҳали бир тўхтамга келмаган. Қолаверса, клуб 37 ёшли ярим ҳимоячининг Хорватия миллий жамоасидаги фаолиятини якунламаганидан норози бўлган. Флорентино Перес ва клуб директорлар кенгаши Модрич ЖЧ-2022дан кейин бор эътиборини Мадриддаги фаолиятига қаратишига умид қилган. Маълумот учун, Лука жорий мавсум Ла Лигада 24 ўйинда майдонга тушиб, 4та голга муаллифлик қилган.