Лукас Моура Сан-Паулуга қайтди

Фабрицио Романо хабарига кўра, футболчи ва клуб келишуви 2023 йил охиригача тузилади. Бу бўйича барча ҳужжатлар имзоланган ва тез орада расман эълон қилинади. Шунингдек, ушбу трансфер ойнасида «Сан-Паулу»га колумбиялик ҳужумкор ярим ҳимоячи Хамес Родригес қўшилди. Лукас Моура «Тоттенхэм» сафига 2018 йилнинг январида «ПСЖ»дан кўчиб ўтган эди. У «шпорлар» сафидаги дебют голини Англия кубоги доирасида «Рочдейл»га қарши ўйинда киритди. Умуман олганда, «Тоттенхэм» сафида бразилиялик ҳужумчи 221 учрашувда 39 бор рақиблар дарвозасини ишғол қилган. 30 ёшли Лукас АПЛнинг ўтган 2022/2023 йилги мавсумида бор-йўғи 15та ўйинда майдонга тушиб, 1та гол урди.