Моуриньо Англияга қайтиши мумкин

«Челси» португалиялик собиқ бош мураббий Жозе Моурино номзодини кўриб чиқмоқда. Клуб 60 ёшли мутахассиснинг ҳали ҳам Лондонда уйи борлигини билади ва кўплаб мухлислар у ҳақида илиқлик билан гапиришади, бу эса қайтиш фойдасига омил бўлиши мумкин. «Челси» тажрибали, дунёга машҳур мураббийни жамоани бошқаришини истайди ва Моурино бу таърифга жуда мос келади, дея хабар беради Sky Sports.

Жозе Моурино «Челси»да 2004-2007 ва 2013-2015 йилларда ишлаган. Лондон клуби бошчилигида у саккизта совринни қўлга киритди.

Португалияликнинг Рим клуби билан амалдаги шартномаси 2024 йилнинг ёзига қадар мўлжалланган.