Можаро тафсилотлари маълум бўлди...

«Тухель матбуот анжуманларида Боэли билан кунига камида бир марта мулоқот қилишини кўп бора айтарди. Одатда бу учрашувларга Тухелнинг агенти борарди ва бу хўжайинга ёқмасди. Шу билан бирга, Тухелга яқин манба немис мутахассиси Закариядан ташқари барча футболчилар билан шартнома имзолаш жараёнида иштирок этганига ишонтирмоқда. Жезуснинг трансферидан шахсан Тухель бош тортди ва умуман жамоасида «тўққизлик»ни хоҳламади. Кейинчалик у ўз нуқтаи назарини қайта кўриб чиқди ва Обамеянгни талаб қилди. Шунингдек, Томас ярим ҳимоячиларни ҳам хоҳламади. У Ковачич, Жоржиньо ва Кантега қаттиқ ишонган. Мавсум бошида уларнинг жароҳатлари «Челси»ни зудлик билан бозорга киришга мажбур қилди ва «Аякс»дан Альварес, «Саутгемптон»дан Лавияни сотиб олишга ҳаракат қилди. Иккала келишув ҳам муваффақиятсизликка учради, шунинг учун Боэли Денис Закария ижара шартномасини муҳокама қилди.

Роналду билан бўлган воқеа Тухель ва Боэлининг кадрлар бўйича қарашлари турлича эканлигини кўрсатди. Боэли бу трансферни ажойиб маркетинг ҳийласи деб билди, аммо Тухель Криштиану жамоадаги муҳитни бузишини айтди (Ауба эса, аксинча, руҳни кўтаришга ёрдам берар экан). «Лидс»га қарши ўйиндан сўнг Тухель ва Боэли умуман гаплашмай қўйишди. Боэли Премьер-лига клубларидан бирининг вакили билан суҳбатда Тухель билан ишлашни «даҳшатнинг ўзгинаси», - деб ёзди, The Athletic, ўз материалида.