Муратга яна ишонч билдирилди

Швейцария футбол ассоциацияси 49 ёшли мутахассис билан шартнома узайтирилганини маълум қилди. Шунингдек, ёрдамчи мураббий Жоржио Контини билан янги битим имзоланди. Якин 2021 йилнинг августидан Швейцарияни бошқариб келади. Унинг қўл остида жамоа барча турнирларда 39та ўйин ўтказиб, 17 ғалаба, 13 дуранг ва 9 мағлубият қайд этди. Евро-2024 да Мурат Якин бошчилигидаги Швейцария чоракфиналга қадар етиб борди ва унда Англияга имкониятни бой берди (1:1, пенальтилар сериясида - 3:5). Жамоа ўз тарихида иккинчи марта Евронинг чорак финалига чиқди.