«МЮ»да «катта тозалаш» бўлади

«Манчестер Юнайтед» ёзда асосий таркибда «тозалаш» қилишни режалаштирмоқда, деб хабар берди ESPN. 10дан ортиқ футболчи клубни тарк этиши мумкин. Бу рўйхатда Кристиан Эриксен, Аарон Ван-Биссака, Скотт Мактоминей, Каземиро, Гари Магуайр, Рафаэль Варан ва Виктор Линделёф каби футболчилар бор. Антони Марсьяль эркин агент сифатида кетади. Қолаверса, манкунианлар катта эҳтимол билан бошқа клубларда ижара асосида ўйнаётган футболчилар билан хайрлашади. Булар - Жейдон Санчо, Донни ван де Бек, Брэндон Уильямс ва Факундо Пельистри. «Юнайтед»нинг трансфер мақсадлари эса янги ҳужумчи ва ҳимоячи бўлади.