«Навбаҳор» бош мураббийи Самвел Бабаян 19 май куни 51 ёшни қарши олди.
«Мазкур таваллуд айёми муносабати билан Наманган вилояти ҳокими, вилоят футбол ассоциацияси президенти Шавкат Шокиржонович Абдураззоқов «Марказий» ўйингоҳга ташриф буюрди.
Вилоят раҳбари «Навбаҳор» жамоаси аъзолари олдида Самвел Бабаянни туғилган куни муносабати билан уни табриклаб, унга узоқ умр, сиҳат-саломатлик, «Навбаҳор» билан жорий мавсумда Осиё Чемпионлар Лигаси йўлланмасини қўлга киритишини тилаган ҳолда, унга ўзбек миллий либоси – тўн ва дўппи, шунингдек, 51-рақами туширилган гул ҳамда махсус футболка ва фотосурат совға қилди», - дейилади клуб хабарида.
Ўз навбатида Самвел Вячеславович катта эътибор ва яхши шароитлар учун Шавкат Абдураззоқовга клуб номидан миннатдорчилик билдирган.
Маълумот учун, «Навбаҳор» Суперлига 9-туридан кейин 17 очко билан 2-ўринда бормоқда.
