Намунча хурсандсан, Алан?

Ҳар ҳолда, собиқ ҳужумчи узоқ кутилган трансфер расмийлаштирилишидан олдин бунга ҳазиларалаш лўндагина муносабат билдирди: «Гарри, кетиш фурсати етди».

Диққатни тортадиган томони, Алан Ширер «Твиттер»даги саҳифасига жойлаган ушбу муносабатига ўзининг самолёт учувчиси образидаги суратини ҳам қўшди. Ажойиб реакция. Гап шундаки, АПЛ ўйинларида жами 260та гол урган «Ньюкасл»нинг собиқ ҳужумчиси чемпионат тарихидаги энг яхши тўпурар ҳисобланади. Кейн ҳисобида эса 213та гол бор ва 2-ўринда.

Ҳа, «Тоттенхэм» голеадори АПЛда ўйнашда давом этганида, Алан Ширернинг рекорди хавф остида қоларди. Собиқ голеадор эҳтимол, шунинг учун ҳам энг яқин таъқибчисини тезроқ кузатиб қўйишни истагандир. Мана, Гарри кетди, энди Ширер енгил нафас олса бўлаверади.

АПЛ ТАРИХИДАГИ ЭНГ ЯХШИ ТЎПУРАРЛАР

1. Алан Ширер («Блэкберн», «Ньюкасл») - 260та гол

2. Гарри Кейн («Тоттенхэм») - 213та гол

3. Уэйн Руни («Эвертон», «МЮ») - 208та гол

4. Энди Коул («Ньюкасл», «МЮ», «Блэкберн», «Фулхэм», «Манчестер Сити», «Портсмут») - 187та гол

5. Серхио Агуэро («Манчестер Сити») - 184та гол