Навбатдаги манзил - «Монца»...

Footmercato хабарига кўра, 41 ёшли швециялик форвард «Монца»га ўтишга яқин. У бу масалада клуб хўжайини Сильвио Берлускони билан гаплашган. Ибрагимович «Милан» клуби собиқ президенти билан яхши алоқаларни сақлаб қолган. Қайд этилишича, Златан «Монца»га янги мавсум олдидан бориб қўшилади. Келишув 90 фоизга ҳал бўлган. Аввалроқ, «Милан» Ибрагимовичнинг клубда қолиш хоҳишига қарамай, у билан шартномани яна бир йилга узайтириш фикридан қайтгани ҳақида хабар қилинганди. Маълумот учун, 41 ёшли ҳужумчи жароҳати сабабли жорий мавсум клуби сафида атиги 4 ўйинда майдонга тушиб, 1та гол киритди.