Навбатдаги нишон - Беллингем!

Marca хабарига кўра, 19 ёшли хавбек келаси мавсумни Ла Лигада бошлаши мумкин. Қайд этилишича, Мадрид клуби раҳбарияти 2019 йилдан буён футболчи ва унинг вакиллари билан доимий алоқада бўлиб турибди. Клуб футболчидан Дортмунд клуби билан келишувни узайтирмасликни сўраган. Футболчининг ўзи ҳам Мадридга кўчиб ўтишга тайёр. «Реал» Беллингемни ёзги трансфер ойнасида асосий мақсади сифатида кўрмоқда. Англиялик 19 ёшли футболчининг немис клуби билан амалдаги келишуви 2025 йилга қадар имзоланган. У жорий мавсум клуби сафида 10 ўйинда 3та голга муаллифлик қилди. Аввалроқ, Беллингемга Англиянинг «МЮ» ва «Ливерпуль» клублари ҳам қизиқиш билдираётгани ҳақида хабарлар тарқалганди.