Нкунку Парижга қайтиши ҳам мумкин

By Пўлатов Мухаммадхон 30 May, 2022 3 дақиқа ўқиш 3,921 Кўрилди

0 comments 0 likes

«РБ Лейпциг» ҳужумчиси Кристофер Нкунку ёзда «ПСЖ»га ўтишини истисно қилмади. 24 ёшли франциялик Париж клуби тарбияланувчиси ҳисобланади.

«Париж менинг уйим ва севимли клубим. Футболда ҳамма нарса мумкин. Дунёнинг энг яхши клублари сизга қизиқиш билдириши - ажойиб. Аммо «Лейпциг» мени сақлаб қолиш учун қўлидан келган барча ишни қилаётганини кўриш ҳам ажойиб», - деди Нкунку. Маълумот учун, Кристофер Бундеслиганинг 2021/22 йилги мавсумининг энг яхши футболчиси деб топилди.

Жорий мавсумда ҳужумчи чемпионатда «РБ Лейпциг» сафида 34та ўйинда майдонга тушиб, 20та гол урди ва 15та голли узатмани амалга оширди. Унинг клуб билан шартномаси 2024 йилнинг июнида якунига етади.