Аббосбек Файзуллаев ФИФАнинг расмий саҳифасида эътироф этилди
ФИФА ўз сайтида Жаҳон чемпионати саралашининг Осиё босқичида жонбозлик кўрсатаётган 6 та Осиёлик футболчи ҳақида мақола чоп этди. Ушбу олтиликдан Аббосбек Файзуллаев ҳам ўрин олган.
Ўзбекистонлик футбол ишқибозлари учун қувонарлиси, терма жамоамиз аъзоси Аббосбек Файзуллаев қитъанинг энг яхши ёш футболчиси деб тан олинди!
Маълумот учун, ушбу соврин учун Аббосбек Файзуллаевдан ташқари Гаку Накавата (Япония) ва Бае Жун Хо (Жанубий Корея, "Сток Сити") номзодлар қаторида кўрсатилганди.
Файзуллаев жорий йилги мавсумда Россия чемпионатида ЦСКА таркибида 11 ўйинда иккитадан гол ва асист қайд этган бўлса, Россия кубогида 5 учрашувда учта голли узатмани амалга оширди. Миллий терма жамоамиз таркибида эса умумий ҳисобда 21 учрашувда тўртта гол киритишга эришган.
