Олисе «Бавария»ни танлади

The Athletic хабарига кўра, «Кристал Пэлас» вингери Мюнхен клубига ўтиш ниятида. «Бавария» энди Лондон клуби билан трансферни келишиб олиши керак. 22 ёшли футболчига «Челси», «Манчестер Юнайтед» ва «Манчестер Сити» клублари қизиқиш билдиришган. Айниқса, «МЮ» франциялик вингерни асосий трансфер нишонларидан бири деб ҳисоблаётганди. Олисенинг шартномасида 60 млн. фунт товон пули кўрсатилган. Ўтган мавсумда АПЛда Майкл 19та ўйинда майдонга тушиб, 10та гол ва 6та ассистни ўз ҳисобига ёздириб қўйди.