Пакета трансфери бўлмайди

Асосий номзод сифатида «Вест Хэм» вакили Лукас Пакета нишонга олинган. Sky Sports  журналисти Кава Солхеколга кўра, бу трансфер амалга ошмайди. Вазият кейинчалик ўзгариши мумкин, лекин ҳозир бу трансфернинг амалга ошмаслиги 90 фоизга аниқ, - деб ёзди Солхеколь. 25 ёшли Пакета трансферларга ихтисослашган портал томонидан 45 миллион еврога баҳоланмоқда. Бироқ, «Вест Хэм» раҳбарияти бразилиялик ярим ҳимоячи учун «шаҳарликлар»дан 100 миллион евро талаб қилди. Айни пайтда музокаралар тўхтаган. Боз устига футболчи ўйинларга ставка қўйганликда гумонланмоқда. Бу борада Англия ФА тегишли тергов-суриштирув ишларини олиб бормоқда. Катта эҳтимол билан футболчига қаттиқ санкциялар қўлланилиши мумкин. Ўтган мавсумда «Брентфорд» футболчиси Айвен Тоуни ҳам ставкалар билан боғлиқ ишларга аралашгани учун 8 ойга футболдан четлатилиб, 50 минг фунт жаримага тортилганди.