Аббосбек Файзуллаев ФИФАнинг расмий саҳифасида эътироф этилди
ФИФА ўз сайтида Жаҳон чемпионати саралашининг Осиё босқичида жонбозлик кўрсатаётган 6 та Осиёлик футболчи ҳақида мақола чоп этди. Ушбу олтиликдан Аббосбек Файзуллаев ҳам ўрин олган.
Хитой футбол ассоциацияси билан олиб борилган кенг қамровли муҳокамалардан сўнг мамлакат 2023 йилги Осиё Кубогини мезбонлик қила олмаслиги ҳақида расман маълум қилинди.
Хитой 2019 йил 5 июнь куни Парижда бўлиб ўтган ОФКнинг навбатдан ташқари Конгрессида Осиё Кубоги—2023 мезбони этиб тайинланганди. 24 жамоа иштирокидаги мусобақа 2023 йилнинг 16 июндан 16 июлига қадар Хитойнинг 10 та шаҳрида бўлиб ўтиши режалаштирилган эди.
ОФК мазкур вазиятларга мамлакатдаги COVID-19 пандемияси сабаб бўлаётганлигини қайд этмоқда. Тайёргарлик жараёнида Хитой футбол ассоциацияси ва маҳаллий ташкилий қўмита билан яқиндан ҳамкорлик ишлари олиб борилган. Ҳатто, бир қатор муҳим босқичларга эришилган, жумладан, турнир логотипи ишга туширилиб, 2021 йил «Шанхай Пудонг» футбол стадиони очилган.
ОФК Хитой футбол ассоциацияси ва маҳаллий ташкилий қўмита жамоавий манфаатларни кўзлаб, жуда қийин, аммо зарур қарорни қабул қилганини қадрлашини маълум қилмоқда. Шунингдек, 2023 йилги Осиё Кубоги мезбонлиги билан боғлиқ кейинги қадамлар ҳақида қўшимча маълумотлар яқин вақт ичида эълон қилиниши таъкидланган.
Эслатиб ўтамиз, ушбу мусобақанинг 3-саралаш босқичида Ўзбекистон терма жамоаси C гуруҳидан ўрин олган. Ўзбекистон саралаш босқичидаги дастлабки ўйинини 8 июнь куни Шри-Ланкага қарши баҳс билан бошлайди. 11 июнь куни Мальдив оролларига қарши ўйнаса, 14 июнда Таиландга қарши майдонга тушади.
