«Пахтакор»нинг муҳим ўйинларини кўрганман...

Яқинда ҳамкасб дўстлар билан кечки тамадди вақти кутилмаганда, ўзим учун баъзи эътиборли жиҳатларни аниқладим. Ўйлаб кўрсам, қуйидаги ўйинларни бевосита кузатган эканман:

*** «Пахтакор»нинг биринчи лигага тушиб кетишидан олдинги охирги уй учрашувида (1984 йил 21 ноябрь, «Динамо» Тб. - 3:0)

*** «Пахтакор»нинг олий лигага қайтишидан олдинги охирги уй учрашувида (1990 йил 4 ноябрь, «Қайрат» - 2:1)

*** «Пахтакор»нинг собиқ иттифоқ чемпионатидаги охирги уй учрашувида (1991 йил 19 октябрь, «Спартак» - 1:0)

*** «Пахтакор»нинг собиқ иттифоқ кубогидаги охирги уй учрашувида (1991 йил 22 ноябрь, ЦСКА - 1:1)

*** «Пахтакор»нинг собиқ иттифоқ кубогидаги охирги учрашувида (1991 йил 26 ноябрь, ЦСКА - 2:3)

Эътиборлиси, «Пахтакор»нинг собиқ иттифоқ турнирлари ҳисобидан охирги ўйинини Москвадаги ЦСКА манежида журналист сифатида жамоанинг захира ўйиндиғида кузатганман. Ўша вақт ҳеч қандай аккредитация йўқ эди ва ўриндиққа кимни қўйишни жамоанинг ўзи ҳал қиларди. Қаранг, ўйинлар рўйхатининг ўзи қизиқарли. Ҳа, аниқ бўлишича қанча тарихий ўйинлар гувоҳига айланган эканман...  

Алишер НИКИМБАЕВ