Погбага «Ал-Наср» қизиқмоқда

TEAMtalk нашри хабарига кўра, клуб франциялик футболчига фойдали таклиф билан чиқишга тайёр. Қайд этиш лозимки, ЖЧ-2018 ғолибини қўлга киритиш учун АҚШнинг «Лос-Анжелес Гэлакси» ҳамда Франциянинг «Марсель» клублари ҳам давогарлик қилишмоқда. Аммо ҳозирча ҳеч бир жамоа Погба билан музокараларга киришмаган. Эслатиб ўтамиз, ўтган йилнинг август ойида Погбадан олинган допинг-тест ижобий натижа кўрсатган эди. Натижада, 29 февраль куни антидопинг суди футболчини 4 йилга дисквалификация қилди. Шундан сўнг футболчи қарор юзасидан апелляция берди. 7 октябрь куни Спорт арбитраж суди (CАS) франциялик ярим ҳимоячининг дисквалификация муддатини 18 ойга қисқартирганини эълон қилди. Шу тариқа, у 2025 йилнинг март ойидан бошлаб расмий ўйинларда майдонга тушиш ҳуқуқига эга бўлди.