Порро учун «Челси» ҳам курашади

«Стэмфорд Бриж» эгалари Португалиянинг «Спортинг» клуби ҳимоячиси Педро Поррони жамоанинг ўнг қанот ҳимоячиси сифатида кўрмоқда. 23 ёшли футболчи ўтган ёзда португал клуби учун ижара асосида яхши ўйин кўрсатгани учун «Манчестер Сити»дан тўлалигича сотиб олиган эди. У мамлакат гиганти учун мавсумни ажойиб ўтказди. У Чемпионлар Лигаси доирасида «Тоттенхэм»га қарши иккита ўйинда ўзини кўрсатди ва испаниялик футболчи «шпорлар»ни музокараларни бошлаб юборишга мажбур қилди. Поррога даъвогарлик қилаётган «кўклар» ҳам худди «Тоттенхэм» каби тўсиққа дуч келди. «Спортинг» футболчисини фақатгина шартномасида кўрсатилган 45 млн. еврони тўлаш орқалигина харид қилиш мумкинлигини маълум қилди. «Спортинг» устози Рубен Аморим жамоа ўйинчилари Педро Порро ва асли «Тоттенхэм» тарбияланувчиси Маркус Эдвардсга бўлган қизиқишларнинг ўсиб бориши туфайли клуб уларнинг товон пули тўланганидан кейин қўйиб юборишга тайёр эканини айтиб ўтди.