РАКУРС: Наҳотки, инқилоб яқин?

Боз устига, жуда яқин орада. Ҳар ҳолда, TeleSport хабарига қараганда, мамлакат футболи раҳбарияти «лоларанглар» бош мураббийи лавозимига номзодлар шорт-варақасига Англия аёллар термаси устози Сарина Вигман хонимни ҳам киритди.

Аввало, қисқача маълумот: Вигман - вақтида марказий ярим ҳимоя ва орқа чизиқда тўп сурган нидерландиялик собиқ футболчи. Олдинроқ The Telegraph нашрида шу мазмунда хабар чиққанди: «Нидерландия миллий жамоа­си бош мураббийи Роналд Куман истеъфога чиқарилган тақдирда мамлакат Қироллик футбол иттифоқи Саринани унинг ўрнини эгаллашга номзод мутахассислар қаторига қўшмоқчи». Агар Куман чиндан ҳам, истеъфо берса ва Сарина хоним номзоди танланса, у футбол тарихида эркаклар миллий жамоасини бошқарадиган биринчи аёл бўлади.

Сарина Вигман ҳозирча Анг­лия аёллар термасидаги ишини давом эттирмоқда. Инглизлар яқинда унинг бошқарувида аёллар ўртасидаги ЖЧ-2023 финалига чиқишди ва ҳал қилувчи баҳсда испанларга имкониятни бой беришди - 0:1. Алоҳида эътироф этиш ўринли, бу Англия аёллар термаси учун мундиалдаги энг юқори натижадир. Қолаверса, Вигман жамоаси 2021 йили Европа чемпионатида ғолиб чиққанди.

Факт

Сарина Вигман Англия­га йўл олшига қадар Нидерландия аёллар термаси билан ҳам Европа чемпионати ғолибига айланган ва ЖЧда кумуш медаль ютганди.