Ракурс: Қатарга яёв, аммо...

Ҳар ҳолда, 3 ҳафтадан буён ундан бирор хабар йўқ. «Реал» фанати 9 ой олдин Қатар томон пиёда саёҳатга чиққан экан. У Эронга киришигача нақ 15та мамлакатдан ўтган ва ўз йўналишини ижтимоий тармоқларда ёритиб борган.

Саньяго Санчес охирги марта Эрон чегарасини кесиб ўтгани ва дам олиш учун вақтинча қароргоҳ сифатида тоғли ҳудудни танлагани ҳақида хабар қолдирганди. Мухлис шундан буён жим, яъни бошқа маълумот бергани йўқ. AP хабарида айтилишича, ўша ҳудуддаги ферма хўжайини испаниялик саёҳатчини ўз уйига олиб кирган, уни меҳмон қилган ва ювиниб, дам олишига шароит яратиб берган. Аммо Саньягонинг яқинлари шу-шу у билан боғланолмаётган эканлар.

Таъкидланишича, Испаниянинг Теҳрондаги элчихонаси 3 ҳафтадан бери бедарак йўқолган фуқарони қидирмоқда, аммо ҳозирча ҳеч қандай натижа йўқ. Эслатиш керак, айни пайт Эронда оммавий норозилик намойишлари давом этмоқда. Сантьягонинг яқинлари шунинг учун ўн чандон хавотирдалар...