«Реал» ҳужумига номзодлар аниқ

By Пўлатов Мухаммадхон 08 Sep, 2023 3 дақиқа ўқиш 295 Кўрилди

0 comments 0 likes

«Реал» раҳбарияти замонавий футболнинг энг зўр тўпурарлари сифатида эътироф этилаётган Килиан Мбаппе ва Эрлинг Холандни олиш ғоясидан воз кечгани хабар қилинган эди.

Todofichajes нашрининг маълум қилишича, «қироллик клуби» «ПСЖ» ва «Манчестер Сити» форвардлари ўрнига бошқа 4 нафар зўр ҳужумчи топиб қўйди. Манбанинг таъкидлашича, мадридликлар келаси ёзда ҳужум чизиғини кучайтиришга алоҳида эътибор қаратади. «Қироллик клуби» раҳбарияти ана шу мақсадда Душан Влахович («Ювентус»), Рафаэл Леау («Милан»), Виктор Осимхен («Наполи») ва Жонатан Дэвид («Лилль»)лар билан музокара олиб боришга тайёрланмоқда. Жорий мавсум бу ҳужумчиларнинг барчасига гранд клублардан жиддий қизиқиш бўлди. Бироқ бирортаси жамоасини ўзгартиргани йўқ.