«Реал» Мбаппедан воз кечди

By Пўлатов Мухаммадхон 10 Nov, 2023 4 дақиқа ўқиш 268 Кўрилди

0 comments 0 likes

«Реал» раҳбарияти «ПСЖ» ҳужумчиси Килиан Мбаппе трансферидан тўлиқ воз кечди ва уни қўлга киритиш ҳаракатларини тўхтатди.

Cadena SER нашри хабарига кўра, энди мадридликлар 24 ёшли форвардни сўраб, парижликларга мурожаат қилмайди. Мбаппе ёзда эркин агентга айоланиши ҳам «Реал» вакилларини қизиқтирмаслиги айтилмоқда. Бунга ўзига яраша сабаблар бор. Энг муҳими, Килиан Мбаппе сўрайдиган хизмат ҳақининг юқорилиги «қироллик клуби»га тўғри келмас экан. «Реал» кейинги пайтда 20 ёш бўлган салоҳияти юқори ўйинчиларни трансфер қилиш сиёсатидан четлашмоқчи эмас. Мбаппенинг ўзи ҳар доим «Реал»да ўйнашни орзу қилганини таъкидлаб келади. Бироқ франциялик форвард 2022 йилнинг ёзида уни Мадридда куташаётган бир пайтда «ПСЖ»да қолишни маъқул кўргани «Реал» раҳбарияти, хусусан, клуб президенти Флорентино Пересга жуда оғир ботган.