Cуперлига-2022 рейтинги: Қайси жамоа таркиби қиммат?

Transfermarkt портали талқини бўйича айтсак, Суперлига биринчи даврасида амалдаги чемпион «Пахтакор» энг қимматбаҳо таркибга таянди, бу борада энг паст кўрсаткич «Динамо»да.

Футболчиларнинг трансфер баҳост билан шуғулланувчи портал «Пахтакор»нинг Суперлига биринчи даврасидаги таркибини 9,8 миллион еврога баҳолади. Шунга мувофиқ айтсак, жамоа футболчиларининг ўртача баҳоси 392 минг еврога тенг. Таркибнинг умумий суммаси бўйича 2-ўрин «Навбаҳор»га тегишли. Биринчи даврани Суперлига пешқадами мақомида якунлаган жамоа таркиби жами 8,68 млн. еврога баҳоланди. Ўртача сумма - 361 минг евро. Самвел Бабаян бошқарувида иккинчи давра олдидан қимматбаҳо харидлар амалга оширилганини инобатга олсак, Наманган клуби бу борада ўсиш имкониятига эга. «Насаф» таркиб қиймати бўйича 3-ўринда - 8,61 млн. евро. Қарши жамоаси футболчиларининг ўртача баҳоси 359 минг еврони ташкил қилди. Рейтингнинг кучли бешлигидан чемпионликни кўзлаётган яна икки клуб жой олди - АГМК ва «Сўғдиёна». Миржалол Қосимов қўл остида умумий суммаси 7,1 млн. евролик таркиб йиғилган, Улуғбек Бақоев бошқарувидаги жамоада бу кўрсаткич бироз паст - 6,13 млн. евро.

«Локомотив» ва «Нефтчи» таркиб борасида топ-7ликдан ўрин олди, бироқ Фарғона клубида футболчилар нархиҒдаражаси юқорилиги турнир жадвалида акс этмади ҳозирча. Про лигадан Суперлигага чиққан «Динамо» таркиб жиҳатдан элитанинг энг камтарона жамоаларидан биридир. СамарқАнд жамоаси биринчи даврани энг арзон таркиб билан ўтказди - 3,6 миллион евро. Танаффусгача ишлари сира юришмаган яна бир клуб - «Қўқон-1912» таркиб суммаси жиҳатидан 13-ўринда қайд этилди (4,2 млн. евро). 

Ўз ўрнида айтиш керак, иккинчи давра олдидан амалга оширилган трансфер ҳисобга олинса, рейтингда ўзгаришлар кузатилиши мумкин.