Неймар рекорди янгиланиши мумкин

CBS Sports хабарига кўра, «Ал-Иттиҳод» Салоҳ учун «Ливерпуль»га 162 миллион доллар (150 миллион евро) таклиф қилишга тайёр. Бу суммадан «Ливерпуль» 108 миллион доллар олиши кафолатланган, яна 54 миллион доллар эса вингер учун бонус сифатида тўланади. Клуб мисрлик футболчини ўзининг асосий трансфер мақсади деб билади ва бу трансферни Саудия Арабистонидаги ёзги трансфер ойнаси ёпилгунича, яъни 20 сентябргача якунлашга умид қилмоқда. Қайд этилишича, келишув амалга ошса, «Ал-Иттиҳод» аввалроқ Неймарни 97 миллион доллар эвазига сотиб олган «Ал-Ҳилол» ўрнатган лига рекордини янгилайди. Хабар қилинишича, «Ал-Иттиҳод» «Ливерпул»га 100 миллион доллардан кўпроқ таклиф қилган, бироқ клуб Салоҳни бу ёзда сотиш нияти йўқлигини айтган. Ўз навбатида 31 ёшли вингер ушбу трансферга қизиқмоқда ва бу ҳақда «Ливерпуль» раҳбариятини хабардор қилган.