Роналду «Марсел»га ўтадими?...

37 ёшли ҳужумчи «Манчестер Юнайтед» билан шартномаси муддатидан олдин бекор қилинганидан кейин клубсиз қолган. Унга даъвогарлардан бири Франциянинг «Марсель» клубидир, деб хабар беради Footmercato. Аввалроқ, «Марсель» бир неча бор Криштиану Роналдунинг трансфери ҳақидаги миш-мишларни рад этган эди. Ўз навбатида фрацузлар собиқ ҳимоячиси ва элчиси Базиль Боли клубнинг бу йилги ёзги трансферлар вақтида Криштиану билан музокаралари ҳақида гапирди: «Ёзда Роналду «Марсель» билан гаплашди. Менимча, у бизга қўшилиши керак эди. У Франция чемпионатига ўзгача нарса олиб келиши мумкин. Криштиану ёш бўлмаса-да, иқтидорли футболчи. Ўйлайманки, у Лига 1 ҳимоячиларини суякларигача қалтирата олади. Бундан ташқари, Роналду - бу бренд».