Роналдунинг янги мавсумдан умидлари катта

«Албатта, фаолиятимда юқори чўққиларга эришган бу клубга қайтганимдан доим бахтиёр бўлганман. Бунда мухлисларнинг ҳиссаси катта бўлган. Ўтган мавсум давомида мағлубиятларга учраган пайтимизда ҳам ишқибозлар бизни қўллаб-қувватлашди. Мен учун энг асосийси – ўйинларни ютиш ва чемпионат ёки кубокда зафар қучишдир. Ишонаманки, «МЮ» ўзи қайтишни мақсад қилаётган чўққиларга чиқа олади. Аввал айтганимдек, баъзида бунинг учун кўпроқ вақт керак бўлади, аммо мен ишонишда давом этаман. Эрик тен Хаг «Аякс»да фантастик ишни амалга оширди, у тажрибали мураббий. Аммо биз унга вақт беришимиз керак. Барчаси у истаганидек ўзгариши лозим. Албатта, биз муваффақиятга эришишимизга умид қиламан. Чунки мураббий муваффақиятга эришса, бутун «Манчестер» муваффақиятга эришади. Шундай экан, унга фақат энг яхши тилакларни тилайман. Биз хурсандмиз ва янги мавсумни ҳаяжон билан кутяпмиз. Нафақат ўйинчилар, балки мухлислар ҳам интиқлик билан кутишмоқда. Келинг, мураббийга омад тилаб, келаси йил соврин ютишимизга ишонайлик», - дея Роналдунинг сўзларини келтирган Sky Sports клубдаги манбасига таяниб. Аввалроқ, португалиялик 37 ёшли форварднинг «МЮ»ни тарк этиб, «Бавария», «Рома» ёки «Ювентус»га қайтиши мумкинлиги ҳақида хабар берилганди.