Кутилмаган тўпурар
Жорий мавсумда топ-лигалардаги тўпурарлар баҳсида асосан таниқли снайперлар ҳукмронлик қилишмоқда.
2020 йилиёқ ясалган «Кейн»нинг очилиш маросими 18 ноябрь куни бўлиб ўтди. У Англия терма жамоаси ва «Бавария» клуби ҳужумчиси 6 ёшида футбол билан шуғуллана бошлаган Лондондаги машғулотлар маркази яқинига қўйилди. Факт шуки, нақ 7200 фунт эвазига тайёрланган ҳайкал 4 йилдан буён омборда чанг босиб «ётганди».
Узун тарих. Кейн ҳайкалини аввалига футболчи у улғайган ҳудудга яқин Чингфорд вокзалига ўрнатиш режалаштирилди, бироқ ҳукумат хавфсизлик нуқтаи назаридан бунга рухсат бермади. Шундан сўнг ижод маҳсули бир неча йил омборда сақланди, ҳайкалтарошлар бу вақтда жой масаласида сира келишолмадилар.
Футболчи мағрур. 18 ноябрь куни ҳайкалга расман Чингфорд спорт марказидан жой берилди. «Футболдаги йўлим шу ерда бошланган эди. Чингфордга қайтганим ва ўз ҳайкалимни кўраётганимдан ғурурланаман», — деди Кейн очилиш маросимидан сўнг.
Фанатлар учун мем. Бироқ мухлислар ҳайкални унча яхши қабул қилишмади. Кўпчиликка «Кейн»нинг ташқи кўриниши ёқмаган кўринади. Ҳатто турли мемлар тарқалди ижтимоий тармоқларда. Ҳайкал Кейн эмас, балки «Юлдузлар жанги»даги C-3POга кўпроқ ўхшаб қолгани айтилмоқда. Айримлар эса Гаррининг нусхаси Криштиану Роналду шарафига ишланган ўхшовсиз бюстдан ҳам баттар чиққанини таъкидлашмоқда.
Гарри Кейннинг ўзи бу орада ҳеч нарсага парво қилмай, Бундеслигада рекорд ортидан рекорд ўрнатмоқда. Англиялик ҳужумчи 22 ноябрь куни «Аугсбург» билан ўйинда навбатдаги «хет-трик»ни расмийлаштирди ва Германия чемпионатида 50та гол маррасига етди. Шу тариқа «Бавария» вакили Бундеслигада дастлабки 50та гол учун энг кам ўйин (43та) сарфлаган футболчига айланди. Бунга қадар рекорд Дортмунд «Боруссия»сида 50-голини 50-ўйинида нишонлаган норвегиялик Эрлинг Холандга тегишли эди.
М.ПЎЛАТОВ тайёрлади
