80 миллионлик таклиф рад этилди

Париж клуби португалиялик яримҳимоячи учун 80 млн. евро таклиф қилди, бироқ британияликлар рад жавобини беришди, деб хабар беради АS нашри.  «ПСЖ» яқин кунларда яхшиланган шартларда янги таклиф билан чиқиши кутилмоқда. Аммо «Сити» португалияликни ҳеч қандай нархда сотилмаслигига ишонмоқда. Шунингдек, «Барселона» 28 ёшли футболчини қўлга киритиш учун курашдан воз кечиши, чунки улар ҳалигача Френки де Йонгни сота олмагани ва нидерландияликнинг сотувидан маблағ тушмаса, Силванинг трансферини амалга оширишнинг иложи йўқлиги айтилмоқда. Бернарду бу мавсумда АПЛнинг дастлабки уч турида майдонга тушиб биттадан гол урди ва ассист қайд этди.