Mundo Deportivo хабарига кўра, Англиянинг «Лестер» клуби ўз қанот ҳужумчиси Айосе Пересни Испаниянинг «Бетис» клубига ижарага беришга рози бўлди.
Томонлар футболчи учун жорий мавсум охиригача ижара шартномаси тузмоқчи. Қолаверса, «тулкилар» футболчининг трансфери учун испанлардан ҳеч қандай маблағ талаб қилмайди, ҳатто унга маош ҳам тўлайди, лекин қисман. Эслатиб ўтамиз, Брендан Рожерс бошчилигидаги «Лестер» бу мавсумда ёмон ҳаракат қилмоқда ва 18 очко билан АПЛ турнир жадвалида бор-йўғи 14-ўринда бормоқда.
