Алаба Гиггз рекордига яқинлашди

Ла Лига чемпионлиги австриялик футболчи учун топ-чемпионатида фаолиятидаги 12-ғолибликни келтирди. Алаба Бундеслигада «Бавария» билан 10 марта чемпион бўлганди, «Реал» сафида 2-марта чемпион бўлди. Бу борада Алаба «Реал» собиқ аъзоси Франсиско Хенто («Реал» сафида 12 карра чемпион), Кингсли Коман («ПСЖ» - 2 марта, «Ювентус» - 2 марта, «Бавария» билан 8 марта), Томас Мюллер (барчаси «Бавария» билан) ва Лионель Месси («Барселона» - 10 марта, «ПСЖ» - 2 марта) билан тенглашди. Топ-5 чемпионатларда чемпионлик сони бўйича Райан Гиггз рекордчи саналади. Уэльслик собиқ ярим ҳимоячи «Манчестер Юнайтед» билан 13 карра Англия чемпиони бўлган.