Алвеш ҳибсга олинган, «Пумас» шартномани бекор қилди...

Қарор бразилиялик ҳибсга олинганидан кейин қабул қилинган. Алвеш 23 ёшли қизни Барселона тунги клубида зўрлашда айбланмоқда. Мексика клуби президенти Леопольдо Сильва 39 ёшли футболчи билан шартнома бекор қилингани ҳақида баёнот берди: «Клубимиз майдонда ҳам, унинг ташқарисида ҳам футболчиларимизнинг ҳалол ва муносиб хулқ-атвори тарафдори. Чунки улар жамиятда, Мексикада ва дунёнинг бошқа жойларида намунадир. Биз бир кишининг хатти-ҳаракати билан мамлакатимизда ёш спортчиларни тайёрлаш ва тарбиялашда доимо намуна бўлиб келган фалсафамизга зарар етказишга йўл қўя олмаймиз». Алвешнинг «Пумас» билан шартномаси 2023 йилнинг 30 июнигача мўлжалланганди.