"Лион" ярим ҳимоячиси терма жамоасини ўзгартириши мумкин
Франциянинг “Лион” клуби ярим ҳимоячиси Раян Черки терма жамоасини ўзгартириши мумкин, деб хабар бермоқда Football Italia.
ОКМК — «Металлург»
Ўзбекистон Суперлигасининг 14-туридан ўрин олган ОКМК — «Металлург» баҳсида мезбонлар вакили Сардор Раҳмонов рақибининг тўпиғига оёғининг таг қисми билан сакраб зарба бергани учун майдондан четлатилган.
Тартиб-интизом қўмитасининг қарорига кўра, Сардор Раҳмоновга (ОКМК) нисбатан 2 та ўйинга дисквалификация қилиш ва жарима интизом чораси қўлланилди.
«Сўғдиёна» — «Бунёдкор»
Ўзбекистон Суперлигасининг 14-туридан ўрин олган яна бир учрашув «Сўғдиёна» — «Бунёдкор» ўйинида меҳмонлар вакили Даврон Эргашев рақиб билан курашда рақиб оёғининг ҳимояланмаган қисмига бутсасининг таг қисми билан сакраб зарба берган. Бош ҳакам ушбу вазиятда Эргашевни майдондан четлаштирган.
Тартиб-интизом қўмитасининг қарорига кўра, Даврон Эргашевга («Бунёдкор») нисбатан 2 та ўйинга дисквалификация қилиш ва жарима интизом чораси қўлланилди.
«Қўқон-1912» — «Нефтчи»
Ўзбекистон Суперлигасининг 14-туридан ўрин олган «Қўқон-1912» — «Нефтчи» учрашувида меҳмонлар футболчиси Aббосжон Ғуломов рақиб тизза қисмига тўпсиз вазиятда оёғининг таг қисми билан сакраб зарба бергани учун майдондан четлатилган.
Тартиб-интизом қўмитасининг қарорига кўра, Aббосжон Ғуломовга («Нефтчи») нисбатан 4 та ўйинга дисквалификация қилиш ва жарима интизом чораси қўлланилди.
«Насаф» — «Сурхон»
Суперлиганинг қолдирилган 5-тур доирасидаги «Насаф» — «Сурхон» баҳсида меҳмонларнинг ёрдамчи мураббийи Мигел Aлварез техник зонада учрашув трансляциясини планшет орқали кузатиб бориб, бош ҳакам қарорларига шу орқали кетма кет еътироз билдиргани учун қизил карточка билан жазоланган.
Тартиб-интизом қўмитасининг қарорига кўра, Мигел Aлварез Санчезга («Сурхон») нисбатан 2 та ўйинга дисквалификация қилиш ва жарима интизом чораси қўлланилди.
«Сўғдиёна» — «Пахтакор»
Суперлиганинг қолдирилган 11-тур доирасидаги «Сўғдиёна» — «Пахтакор» учрашувида меҳмонлар футболчиси Одилжон Ҳамробеков рақиб ўйинчисига нисбатан тажовузкор хатти-ҳаракат қилганлиги учун майдондан четлатилган.
Тартиб-интизом қўмитасининг қарорига кўра, Одилжон Ҳамробековга («Пахтакор») нисбатан 2 та ўйинга дисквалификация қилиш ва жарима интизом чораси қўлланилди.
«Динамо» — «Насаф»
Суперлиганинг қолдирилган 11-тур доирасидаги «Динамо» — «Насаф» баҳсида мезбонларнинг жисмоний тайёргарлик бўйича мураббийи Aнатолий Курлаев бош ҳакам шаънига ҳақоратли сўзлар ишлатгани учун қизил карточка билан жазоланган.
Тартиб-интизом қўмитасининг қарорига кўра, Aнатолий Курлайевга («Динамо») нисбатан 3 та ўйинга дисквалификация қилиш ва жарима интизом чораси қўлланилди.
