ХАЙРЛАШУВ: Олқишга лойиқ фаолият
Унинг катта футболдан кетиши аввалдан маълум эди...
Жорий мавсум АПЛда ишлари сира юришмаётган «Эвертон» 16-турда яна бир оғриқли мағлубиятга юз тутди.
Ливерпуль клуби бу сафар камтарин «Борнмут» майдонида «тиш»сиз кўринди ва ортга 0:3 ҳисоби билан қайтди. Жамоа ортидан Борнмутга борган ливерпуллик мухлислар эса финал ҳуштаги чалинганидан сўнг футболчилардан мутлақо норози эканликларини очиқ-ойдин намойиш этишди.
«Эвертон» етакчиларидан бири Алекс Ивоби мухлисларни тинчлантириш ва умумий вазиятни юмшатишни ўйлади, чоғи, трибунага яқинлашиб, эгнидаги футболкани ечди ва оломон ўртасига ташлади. Бироқ беҳуда. Аксинча, Ивобининг бу хатти-ҳаракати аламзада мухлислар ғазабини янада кучайтирди. Хуллас, «Эвертон» етакчисига тегишли клуб футболкасига ҳеч ким қиё боққани йўқ. Орадан ҳеч қанча вақт ўтмай, ғалаба, лоақал дуранг илинжида клуб ортидан сафарга чиққан мухлислар формани футболчининг ўзига қайта улоқтиришди.
Ҳа, бугун «Эвертон» мухлисларига ҳавас қилиб бўлмайди. Айни ҳолатда уларни битта футболка билан тинчлантиришнинг иложи йўқ. Ғалаба бўлса, бошқа гап. Ахир АПЛ тарихида ҳали бирор марта қўйи дивизионга тушмаган жамоа ҳозир турнир жадвалининг 17-қаторида турибди. Эслатма, «Эвертон» ўтган мавсум элитада бир амаллаб илиниб қолганди. Табиийки, мухлислар яна шундай бўлишини асло хоҳламайдилар.
Унинг катта футболдан кетиши аввалдан маълум эди...
ТАСАВВУРГА СИҒМАС ФУТБОЛ ФАКТЛАРИ
Мана ниҳоят биз орзиқиб кутган янги форматдаги ЕЧЛнинг 1-тур ўйинлари ҳам ўтказилди.
Introduction about the author of this blog
Адрес
214 West Arnold St. New York, NY 10002
Телефон
+(123) 345-6789