Аргентина рекордга яқин келмоқда...

Бугун, 28 сентябрда Лионель Скалони шогирдлари Ямайкани (3:0) ўртоқлик баҳсида йирик ҳисобда енгиб, мағлубиятсиз серияни 35 ўйинга етказишди. Рекорд Италия миллий жамоасига тегишли. «Мовий гвардия» 2018 йил сентябридан 2021 йил октябригача бўлган даврда кетма-кет 37та беллашувда ютқазмаган. Шу йилнинг ноябрь ойида Аргентина миллий жамоаси БАА билан ўртоқлик ўйини ўтказиши режалаштирилган. Шундан сўнг жамоа ЖЧ-2022 гуруҳ босқичида Саудия Арабистони, Мексика ва Польша билан куч синашади. Агар «альбиселесте» БАА ва Саудияга ютқазмаса, рекордни такрорлайди. Муваффақиятли серия Мексика билан баҳсда ҳам давом этса, рекорд янгиланади.