Ўтган мавсум «Фейеноорд» билан ажойиб натижа ва ўйин кўрсатган нидерландиялик 46 ёшли мутахассис Арне Слот «дам олиш»га қарор қилган мерсисайдликлар бош мураббийи Юрген Клопп ўрнини эгаллаганига ҳам бир ойдан ошди.
Бу вақтда асосан оғир мавсумдан кейин бироз тин олган мураббий энди енг шимариб ишга киришмоқчи. Ҳар ҳолда у «Ливерпуль» матбуот хизматига берган илк катта интервьюсида шу ва бошқа қизиқарли мавзуларда сўз очди. Биз эса унинг энг қизиқарли қисмини эътиборингизга ҳавола этмоқдамиз.
- Жаноб, аввало табриклаймиз ва Ливерпулга хуш келибсиз деймиз. Айни пайтда ўзингизни қандай ҳис қиляпсиз?
- Қисқа таътилдан сўнг энергияга тўламан дейман. Ҳозир ҳаяжондаман, олдимда турган янги чақириқни интиқлик билан кутяпман. Бу ердан (интервью Киркби - «Ливерпуль» базасида олинган - PS) машғулот майдони кўриниб турибди, бу ажойиб. Олдинда сабрсизлик билан кутишга муносиб жуда кўп қизиқарли нарсалар турибди. Жамоа яқин ҳафталарда ишга қайтади ва ҳа, юқорида айтганимдек, «Фейеноорд»да ўтказган фантастик даврдан кейин янги чақириқни интиқлик билан кутмоқдаман.
- Сизни «Ливерпуль» бош мураббийи сифатида эълон қилинган кундан шу кунгача анча вақт ўтди - нима дейсиз, пауза атайлаб қилинганми?
- Ҳа, менимча, бунга бир нечта сабаблар бор. Биринчидан, Юрген билан хайрлашув туфайли, бу бошимдан ўтказганларимдан келиб чиқсак, ўзига хосдир. Бу мен «Фейеноорд»ни тарк этган куни содир бўлди, лекин мен бир нарсани кўришга муваффақ бўлдим, шунингдек, унга, клубга ва мухлисларга бир мунча вақт кутиш адолатли деб ўйладим. Бундан ташқари, қисқа таътил қилдим. Ҳа, менимча, бу ерга келиб сиз билан гаплашиш учун энг тўғри вақт ҳозир.
- Таътил пайтида футболдан узоқлаша олдингизми?
- Йўқ! Менимча, мураббий - мен ёки бошқа биров бўлсин - ҳеч қачон алоқани узолмайди, лекин ажойиб ҳафталарни ўтказдим, чунки мен «Фейеноорд»да ўтказган вақтимни қадрлашим мумкин эди. Ҳозир эса «Ливерпул»дек клубда ишлашни интиқлик билан кутяпман.
- Юргендек рамзий фигурани алмаштирдингиз ва у сизни ҳайратга соладиган инсон эканлиги аниқ...
- Ҳа. Мен 45 ёшдаман, футболни анча вақтдан бери ва кўп кузатганман ва ўйлайманки, илгари ҳамма «Барселона»ни Хави, Иньеста ва Мессилари борлиги учун ва албатта, уларнинг «Реал» ҳамда Роналду билан рақобатини кузатган давр бўлган. Бу давр тугагач, Европа футболида Юрген туфайли янги рақобат пайдо бўлди - у «Ливерпул»ни бошқарган, Пеп Гвардиола эса, албатта, «Манчестер Сити»ни. Ўйлайманки, футболни яхши кўрадиган ҳар бир киши учун бу иккаласи ҳам бир-биридан максимал даражада фойдаланадиган ажойиб давр эди. Ҳа, мен «Ливерпул»нинг, «Сити»нинг кўплаб ўйинларини кўрдим. Европада яшаганингизда, Премьер-лига, эҳтимол сиз кузатишингиз мумкин бўлган энг қизиқарли чемпионатдир. Ҳа, у бу ерда жуда катта иш қилди ва мен мухлис сифатида бундан жуда мамнунман, лекин энди унинг вориси сифатида Юрген «Ливерпул»ни энг яхши ҳолатда қолдирганини айта оламан. Бу ерда жуда яхши жамоа, ажойиб мухлислар бор, шунинг учун мен ишга киришишни интиқлик билан кутяпман.
- Юрген билан гаплашиш муҳиммиди?
- Ҳа. Мен собиқ клубларимда ҳам худди шундай қилганман, шунингдек, агар кимдир клубда 9 йил ишлаган бўлса ва бундай муваффақиятга эришган бўлса, сиз улардан ҳамма нарсани билишни хоҳлайсиз. Шу жумладан футболчилар ҳақида - гарчи менимча, бу борада ўз фикримга эга бўлиш ҳам муҳим. Шунинг учун, албатта, сиз у сизга тақдим этадиган маълумотлардан фойдаланишингиз мумкин, лекин Юрген бу ерда катта ютуқларга эришгани учун эмас. Бундан ташқари, у жуда машҳур эди ва ҳамма буни кўрди. У менга бир нечта яхши маслаҳатларни берди.
- Албатта, ўзлигингизда қолиш жуда муҳим, аммо биз билганимиздек, сизнинг ва унинг услубларингиз ўртасида ўхшашликлар бор, шундай эмасми?
- Ҳа. Ва менимча, бу ерда бўлишимнинг сабабларидан бири ҳам шу. Чунки «Ливерпуль» мени «сканердан ўтказган»ида, бунинг тўғри эканлигига амин бўлмасамда, улар айнан бир хил турдаги мураббийни қидиришмаган. Лекин менимча, бирор нарса маълум бир ўйин услубида муваффақиятли ишласа, мен буни хоҳлайман, яъни давом эттиринг ёки ривожлантиринг, дегандек. Эҳтимол, улар мени танлашининг сабабларидан бири шудир. Ҳа, бу менинг услубим, лекин ҳозирги пайтда кўплаб замонавий мураббийларнинг услуби ҳам шундай: биз ҳаммамиз маълум даражада «Сити» ва «Ливерпуль», Гвардиола ва Клопп ўртасидаги рақобатдан илҳомланганмиз.
- Янги мавсум учун ўйинлар тақвими эндигина чиқди, унинг бошланишига саккиз ҳафта қолди. Вақт жуда тез ўтади, шунинг учун саккиз ҳафта давомида қандай режаларингиз бор?
- Мавсум олдидан асосий нарса ўйинчиларни шаклга келтириш ва ўйин ғояларини, моделини жорий этишдир. Баъзи ўйинчилар билан машқ қилиш учун бизда жуда кўп вақт бўлади ва барчаси футболчилар ўзлари иштирок этаётган турнирларда қанча масофани босиб ўтишига, бу ўйинчилар билан ишлаш учун қанча вақт сарфлашимизга боғлиқ. Аммо айтиб ўтганингиздек, ўйин услуби бутунлай бошқача бўлмайди. Лекин шундай бўлса-да, биз айнан бир хил иш қилсак ғалати бўларди, чунки мен Юрген Клоппни алмаштирсам ҳам, у билан бир хил эмасман.
- Мавсум олдидан АҚШ бўйлаб турне бор. Сизнинг раҳбарлигингиз остида биринчи марта «қизиллар» июль ойида Пицбургда ўйнайди. Бу борада ҳаяжонланаётган бўлсангиз керак?
- Ҳа, қўшма штатларда ўйнаш ҳар доим ўзига хос туйғу. Менга у ердаги стадионлар одатда мухлислар билан тўла бўлишини айтишди. Бу «Ливерпул»да ўз фаолиятингизни бошлашнинг ўзига хос усули. Бу ерга биринчи машғулотга биринчи марта келиш, биринчи марта машғулот ўтказиш ва биринчи марта ўйнаш, албатта, тарихий дақиқалардир. Лекин, энг муҳими, табиийки, мен «Энфилд»даги ўйинни бошқаришимни кўпроқ кутаман. Бироқ, бунгача бироз кутишга тўғри келади.
- Биз ҳам буни интиқлик билан кутяпмиз. Суҳбат якунида мухлисларга айтар сўзларингиз бўлса керак...
- Бу билан мени бироз ҳайратда қолдирдингиз! Ҳа, ўзгаришлар бўлади, лекин умид қиламанки, улар унчалик катта бўлмайди, чунки ўйинчилар ўша-ўша, мухлислар ҳам ва агар ҳамма ўз ишини олдингидек давом эттиришса, менинг ҳаётимни анча осонлаштирарди. Келгуси мавсумда улар бизни яна бир бор фаол қўллаб-қувватлашларини кутмоқдаман ва худди шу нарса футболчилар учун ҳам амал қилади. Мен жамоани энг яхши тарзда бошқариш учун ўз манфаатим ва кучим билан ҳамма нарсани қиламан.
МУҲАММАДХОН тайёрлади
