Арвеладзе истеъфога чиқарилди

Клуб раҳбарияти қониқарсиз натижалар сабабли грузиялик мутахассис билан хайрлашган. Арвелдазе январь ойи бошида инглиз клуби бош мураббийига айланган эди. У клубда 8 ой фаолият юритди. Маълумот учун, «Халл Сити» Чемпионшип сўнгги 4 ўйинида мағлубиятли серия қайд этиб, 10-турдан кейин 24 клуб ичида 11 очко билан 20-ўринни эгаллаб турибди. Жамоа сўнгги икки ўйинида «Суонси» ва «Сток Сити»га йирик 0:3 ҳисобида мағлуб бўлди. Эслатиб ўтамиз, 49 ёшли Шота Арвеладзе 2017-2020 йиллар давомида «Пахтакор» бош мураббийи сифатида фаолият юритган эди. Тошкент клубидан кейин у Англияда иш бошлаганди.